林郑月娥专访称希望做个普通人 哽咽获家人支持

前特首林郑月娥今年7月卸任後，并无公开发言，但一直有人影到佢出外买菜。佢近日接受内地传媒《南方网》访问，话退休後希望做番个普通人，又哽咽感激任内获家人支持。 林郑月娥话，退休後希望做番普通人，做丈夫嘅太太，做番两个儿子嘅妈妈。任内经历多个风波，讲到能够坚持落去嘅原因，佢感激获中央嘅信任，有中央官员关心佢瞓得好唔好，而讲到家人支持时，佢又哽咽，话家人受到无形压力，个仔喺学校受到人身攻击。 而谈及香港前景，林郑月娥认为，二十大後中央强调一国两制唔会变，香港五十一年就变嘅担忧系一扫而空。