八達通增值小心！大埔驚現「阿伯搶拍卡黨」 趁事主便利店增值飛身搶拍卡：「佢竟話...」

八達通增值小心！多名大埔網民早前先後在網上留言，指剛剛到便利店增值八達通，他增值500元，當店員收款後按掣增值時，突然「有個揸杖嘅老嘢，飛身走埋嚟拍咭」，企圖搶先事主以拍咭「嘟走」該500元填值額。 事主表示，好在搶拍卡時，店員當時仍未按掣，幸保不失，當時「有個男人走出嚟勸交，我諗諗吓，呢個可能係同黨...」事主指，因為趕返工，未有再與該人糾纏。 其後，有另一名大埔女網民在該帖文留言表示，亦遇過同一情況，她表示在大埔富善邨的便利店增值時亦試過，走來搶拍卡者為一名阿伯。她即時用手擋開阿伯隻手：「大聲問佢做乜，佢話check餘額喎，跟住走咗，大家小心。」 之後，再有大埔網民留言指遇過相同情況：「係大廣樓下間OK試過，佢個八達通機係門邊，又係增值嗰陣，有個阿伯伸張八達通埋嚟，好彩職員反應夠快冇㩒制。」 帖文引發熱烈迴響，有網民表示在旺角亦見過這種趁別人增值「搶拍卡」的情況，被捉到時則「扮死狗」撒賴。不少網民呼籲大家小心：「唔係一兩次，慣犯嚟。」「增值一定隊咗張卡係機先好畀錢。」有網民建議，如遇到相同情況，要馬上報警：「如果拍到唔畀番錢 直接報警咁同搶有咩分別。」