70歲婆婆當外賣步兵「做運動兼賺外快」 仲識用apps接單

到達退休年齡，仍有人堅持自力更生。有網民在Facebook將軍澳地區群組上載一張圖片，圖中顯示一名年約70歲的婆婆，在將軍澳擔任外賣步兵，婆婆推着買餸車送餐，當差不多到達目的地，便從袋中取出已包好的外賣餐盒奉給食客。據上載相片的網民表示，婆婆相當熟悉外賣手機程式的操作，懂得篩選合適的訂單，距離太遠會主動「踢單」。 網民轉述婆婆聲稱當外賣步兵既可鍛鍊身體，又能增加額外收入，帖文曝光後獲不少網民讚揚婆婆「有心有力，自食其力，發揮獅子山下香港人精神」，認為婆婆「有健康體魄，有得選擇自己該做及喜歡做的事。活在當下，珍惜每一天」 有人留言支持婆婆「婆婆加油！」、「好過執紙皮」、支持你，但真係要小心，唔好掛住趕個準時獎 ，安全第一」、「得走行得是好事，仲識用apps接單，祝婆婆健康」。