着名作曲家顾嘉辉离世 享年92岁

香港着名作曲家顾嘉辉琴日喺加拿大温哥华离世，享年92岁。顾嘉辉被称为乐坛教父，佢喺70至80年代创作出无数名曲，提振广东歌地位，更同已故着名才子黄沾多次合作，创出多首不朽名曲。

顾嘉辉1931年喺广州出生，有一姐一弟，姐姐顾媚系着名歌手及演员，歌曲《不了情》嘅原唱者。佢从小同埋家姐一同学习音乐，1961年参加邵氏嘅作曲比赛，创作出处女作《梦》，70至80年代系佢嘅创作巅峰期，作品包括《万水千山纵横》丶《忘尽心中情》丶《亲情》等，其中佢同才子黄沾合作，创作出《狮子山下》，成为香港不朽名曲。

顾嘉辉90年代开始淡出，专心於绘画，曾喺香港举行画展。佢一生获奖无数，举行多个慈善演唱会，到2018年，重返温哥华过退休生活，直至琴日离世。