公屋戶清晨剁肉餅聲震天 網民日日度守成功揪出刀手 原來係拍呢樣嘢......

剁肉餅聲可說是家居噪音之一。樓主早前在社交平台Threads以「半夜肉餅」為題發帖，上載半張公共屋邨的「清晨傳出剁肉餅的噪音事宜」通告，事件引起網民共鳴，不少人也自爆慘受剁肉餅戶影響。其中一名網民講述自己的經歷，經過兩個月的查找，終成功揪出「刀手」，結果叫人哭笑不得。
指事情「困擾咗5-6年，最早凌晨4點9，最遲朝早7點......，舊年年頭失業，大把時間，決定親自去搵呢戶出嚟，日日4點半喺度守，跑幾層樓梯，將目標排除，用咗兩個月搵到嗰戶，87歲老人，一開頭對方唔認......再同保安守咗1星期，拍到片，拍門捉到人。

•我隔籬就朝朝6點剁，忍咗3、4年，終於有一日帶埋管理員過去鬧佢，叫佢前一晚整定唔好朝頭發出呢啲滋擾人嘅聲音，實在令人討厭。

•以前住過一個屋苑，每逢Weekend（周末）都會俾樓上剁肉餅嘈醒，而且佢剁肉餅時我間房嘅窗會跟住震。

•可能係我以前隔籬屋，清晨5點幾喺到剁肉餅。

還有人笑言，這可能是「猛鬼大廈真人版」、「係咪《人肉叉燒包》啲情節」。

原來叫人哭笑不得係拍薑汁，聽人講飲薑汁增強抵抗力，嘈咗人4-5年。