首派井字型公屋「小朋友覺得驚」 港媽苦惱：要唔要好？網民咁睇

有港媽在「香港公營房屋討論區(FB版)」FB專頁發帖，等9年，最近首派新翠邨井字型公屋一單位，現場視察單位時，「屋外望落去小朋友覺得驚」，她在帖文中請教網民：「請問要唔要好？新翠好住嗎？去睇過單位做緊翻新工程，屋外望落去小朋友覺得驚。」而且亦感該公屋樓齡達40年，未知是否接納今次首派，上網求教網民，結果獲熱烈回應。
另外，她又擔心：「新翠附近好似唔多覺有街市？如果去附近街市最近要行幾耐左右？新翠都成40幾年樓齡，其實會唔會重建之類？」她其後又補充，我另一半唔太鍾意，加上小朋友佢地太細，佢地望落井字形樓覺得驚，所以我仲十五十六緊。」
不少網民指出新翠邨井字型公屋其實「間隔好用」「好住」，交通方便，而且校網好，建議樓主可以考慮接納。
至於新翠邨40年樓齡會否重建？不少網民以自身經驗認為重建機會不大：「40幾年點會咁快有機會重建，我諗住20年都未必會。」「（觀塘）和樂邨六十幾年都未重建啦。」
有街坊亦留言，「大圍十分好住，我剛剛搬入一年，交通超方便去邊都得，街市有兩個隆亨街市，大圍街市，隆亨有惠康，新翠有百佳，再唔係就去圍方都有超市。」
不過，有網民則認為各人情況不同，若家人真心理上抗拒井字型公屋，便不要勉強接受：「我自己都有小朋友，唔會要井（字型公屋），我會搏第二派。」
「朋友驚就唔好要，另一半又唔鍾意，咁住落都唔開心。」